Monday, February 25, 2008

రెండు అందమైన సుత్తి సినిమాలు

మొన్న రాత్రి హెచ్.బీ.ఓ. లో 'మెమోయిర్స్ ఆఫ్ ఎ గీషా 'సినిమా వచ్చింది. పీవీఆర్ లో 2006 లో నేను చూసిన అద్భుతమైన సినిమాల్లో ఇదొకటి.

ఆఫ్ బీట్ సినిమాలు నచ్చని వారికి ఈ సినిమా నచ్చక పోవచ్చు. (నాకూ ఆఫ్ బీటు సినిమాలు నచ్చవనుకోండి :-)). అయితే ఈ సినిమా లో ప్రత్యేకత ఆఫ్ బీట్ గా వుండడం కాదు.

సినిమాటోగ్రఫీ. మనం ఈ మధ్య ప్రతీ సినిమా కూ వింటున్నాము, సినిమాటోగ్రఫీ చాలా బాగుంది అని. ఐతే చిత్రం లో ప్రతీ ఫ్రేము ఓ మైఖెలాంజిలో, ఓ విన్సెంట్ వాన్ గోఘ్ కుంచె నుండీ జాలువారిన చిత్రం లా వుంటుంది.

కొన్ని సన్నివేశాల్లో, ముఖ్యంగా చెర్రీ పూలు కురిసేటప్పుడు, మంచు కురిసె బాక్ డ్రాప్ లో చిత్రించిన దృశ్యాలూ వూపిరి స్థంభింపచేసేంత అందంగా వుంటాయి.

ఓ అందమైన రంగు పరదా వెనకల కారు నలుపు లాంటి 'గీషా ' జీవితం. 'గీషా' ఆచారం మన దేవదాసీ ఆచారం లా వుంటుంది. చిన్నప్పుడు ఓ ఇంట్లో దాసీ గా చేర్పించబడ్డ ఓ అమ్మాయి, పెరిగి పెద్దదయిన తర్వాత 'గీషా ' గా మారడం, తన మిత్రులే శత్రువులు గా మారడం, చిన్న తనం లో తన పట్ల కరుణ చూపించిన ఓ ఆసామీ కోసం తను అర్పించుకోవాలనుకోవడం, ఇంతలో పరిస్థితుల ప్రభావం తో ఆశలు అడియాసలవడం, ఇలా జరుగుతుంది కథ.

ఇంత అందమైన సినిమాటోగ్రఫీ ఖచ్చితంగా చెప్పాలంటే కళా దర్శకత్వం (ఆర్ట్ డైరెక్షన్) చాలా చాలా అరుదు గ మనకు కనబడుతుంది. ఈ సినిమా కు ఇదే విభాగంలో ఆస్కార్ అవార్డ్ కూడా వచ్చినట్టు గుర్తు.

సినిమాటోగ్రఫీ లో ఈ సినిమాకు సరిసాటి కూడా 2006 లోనే పీవీ ఆర్ లో నేను చూసాను. ఆ చిత్రం పేరు ' సంసార '.

నేను కాశ్మీర్ లో లడాఖ్ చూడలేదు. ఐతే ఈ సినిమా చూసాను. ఇంతకంటే అందంగా చూపించడం సాధ్యం కాదనుకుంటా మరి.

ఇదీ కొంచెం సుత్తి సినిమా నే. ఐతే సినిమాటొగ్రఫీ లో తలమానికం ఇది. ఈ చిత్రానికి కూడా ఎన్నో అవార్డ్ లు వచ్చాయి.
మొత్తానికి బోర్ కొట్టించినా కూడా మర్చిపోలెని సినిమాలు ఈ రెండూ.

1 comment:

  1. టపా టైటిలు చూసి చాలా సేపు నవ్వుకున్నాను :)
    సినిమా సుత్తికొట్టిన తరువాత సినిమాటోగ్రఫీ ఎంత బాగుండి ఏమి లాభం....ప్చ్...ట్యాలెంటు వేశ్టయిపోయింది.

    ReplyDelete

టపా స్ఫూర్తికి, ఉద్దేశ్యాలకు విరుద్ధంగా చేసే వ్యాఖ్యలు అనుమతింపబడవు. ఈ విషయంపై సర్వహక్కులు బ్లాగు యజమానివే.